2015 | Bakı Su İdmanı Sarayının və Ağ şəhər Bulvarının açılışı

 Bakı Su İdmanı Sarayının açılışı.İlk Avropa oyunları ərəfəsində bulvarın iki istiqamətdə genişləndirilməsi başa çatdı. Bir istiqamət kimi Dövlət Bayrağı Meydanından ( Daş Salnamə Muzeyinin qarşısından) Bibiheybət istiqamətində Bayıl bulvarı salındı və Su İdman Sarayının ətrafı abadlaşdırılaraq bulvara birləşdirildi, uzunluq 3,5 kilometr artırıldı. Beləliklə, Dövlət Bayrağı Meydanının ətrafının ( Bayıl bulvarı və Su İdmanı Sarayı) ümumi sahəsi 99,1 ha təşkil etdi.Bulvarın digər istiqaməti Ağ şəhər bulvarı adlandırılaraq Dəniz Ticarəti limanından “Bulvar” otelə kimi uzadıldı. Bakı Ağ Şəhər bulvarının uzunluğu 2,7 kilometr, sahəsi 34,6 hektardır.Ən son genişləndirmələrlə birlikdə Dənizkənarı bulvarın uzunluğu 16 km-ə çatdırıldı. Dənizkənarı bulvarın ümumi sahəsi 199,664 ha təşkil edir.