9 Noyabr – Dövlət Bayrağı Günü münasibətilə Dənizkənarı Bulvar İdarəsinin kollektivi Fəxri Xiyabanda ümummilli lider Heydər Əliyevin məzarını ziyarət edib. Ümummilli Liderin xatirəsi anılıb, məzarı önünə gül dəstələri düzülüb.

Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə çiçəklər düzülüb.

Daha sonra Dövlət Bayrağı Muzeyində Dövlət Bayrağı Gününə həsr olunan tədbir keçirilib. Tədbir çərçivəsində Dövlət Bayrağı Meydanında aparılan yenidənqurma və bərpa işlərinə həsr olunmuş videoçarx nümayiş olunub. Çıxışlar zamanı üçrəngli Azərbaycan bayrağının xalqımız üçün müqəddəs rəmz, müstəqilliyimizin və dövlətçiliyimizin simvolu, hər bir azərbaycanlının qürur mənbəyi kimi əhəmiyyətindən danışılıb, eləcə də 2025-ci  ilin “Konstitusiya və Suverenlik İli” elan edilməsi və Zəfərin 5-ci öldünümü ilə əlaqədar Azərbaycan bayrağının dövlət rəmzi kimi ideoloji önəminə toxunulub.