Dənizkənarı Bulvar idarəsinin yanında İctimai Şuranın növbəti iclası keçirilib. Dənizkənarı Bulvar idarəsinin yanında İctimai Şuranın ikinci iclası keçirilib. İclas İctimai Şuranın sədr, sədr müavini, katib və üzvlərin iştirakı ilə təşkil edilib. İclasın əvvəlində İctimai Şuranın sədri Ramil Əliyev Şura üzvlərini salamlayaraq, gündəlikdə olan məsələr barədə ətraflı məlumat verdi. İclasın gündəliyində duran məsələlər Dənizkənarı Bulvar İdarə Heyətinin sədri İlqar Mustafayevə müraciətin qəbulu; strukturlaşma, komissiya və işçi qruplarının yaradılması; reqlamentin, fəaliyyət planı və etik davranışlar kodeksinin qəbulu; Dənizkənarı Bulvar idarəsinin fəaliyyətinə, bulvarda görülən işlər və ictimai qurumların bu məsələdə mövqeyi ilə bağlı tədbirin keçirilməsinin müzakirəsini əhatə edirdi.