Dənizkənarı bulvarda dünyanın ən həyəcanlı drift yarışlarından biri olan "Red Bull Car Park Drift"in Azərbaycan üzrə milli finalı keçirilib.

   Azərbaycan Avtomobil Federasiyası (AAF), "Red Bull" şirkəti və Bakı Şəhər Halqası Əməliyyat Şirkətinin birgə təşkilatçılığı, Dənizkənarı Bulvar İdarəsinin dəstəyi ilə baş tutan və özünəməxsus sərt qaydalarla zəngin olan "Red Bull Car Park Drift" yarışında ən bacarıqlı 16 iştirakçı milli final mərhələsində iştirak edib.

   2012-ci ildə Əbu-Dabidə ən uzun drift edərək adını "Ginnesin Rekordlar Kitabı"na yazdıran dünya şöhrətli Abdo Feqali də yarış iştirakçılarına dəstək olmaq üçün Bakıya gəlib.

   Qeyd edək ki, Abdo Feqali ötən il də "Red Bull Car Park Drift Azerbaijan"ın qonağı olmuşdu.