Novruz və Ramazan bayramları ərəfəsində Fövqəladə Hallar Nazirliyi (FHN) Dənizkənarı Milli Parkda fəaliyyət göstərən atraksionlara baxış keçirib. Yoxlamalar FHN-in Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi tərəfindən aparılıb. Atraksionların texniki təhlükəsizlik tələblərinə uyğunluğu qiymətləndirilib və müayinələr zamanı hər hansı bir qüsur aşkar edilməyib. Nəticədə əyləncə qurğularının təhlükəsizlik standartlarına cavab verdiyi müəyyən olunub.