Tədbirdə Heydər Əliyev Fondunun vitse-prezidenti Leyla Əliyeva və Arzu Əliyeva, Azərbaycan Avtomobil Federasiyasının prezidenti Anar Ələkbərov, gənclər və idman naziri Fərid Qayıbov, digər tanınmış şəxslər və şəhər sakinləri iştirak ediblər. Sərgidə 1986-cı ilədək istehsal olunan 100-dən çox avtomobil nümayiş olunub. Bunlar tədbir üçün qeydiyyatdan keçən klassik avtomobillər, həmçinin Heydər Əliyev Mərkəzindəki daimi sərginin bəzi eksponatlarından ibarət nəqliyyat vasitələridir. Sərgi daha sonra klassik avtomobillərin yürüşü ilə davam edib. Paytaxtın əsas küçə və prospektindən keçən yürüş Sea Breeze ərazisində başa çatıb