Bakı Bulvarının ən maraqlı və rəngarəng sakinlərindən biri olan, onun canlı təbiətini özünəməxsus gözəlliyi ilə tamamlayan tutuquşulara həsr olunmuş fotomüsabiqəyə start verilir.
Müsabiqə çərçivəsində iştirakçılar Mayın 30-dək Dənizkənarı Milli Park ərazisində müşahidə etdikləri tutuquşuları ən yaradıcı və estetik baxışla foto-obyektivə köçürməyə dəvət olunurlar. Nəticədə 3 ən uğurlu fotonun müəllifi qalib elan ediləcək.

İştirakçılar çəkdikləri fotoları Dənizkənarı Bulvar İdarəsinin rəsmi internet saytında (bulvar.gov.az) xəbərlər bölməsində yerləşdirilmiş keçid vasitəsilə təqdim edə bilərlər.

Müsabiqənin şərtləri

* Hər iştirakçı müsabiqəyə yalnız bir foto ilə qatıla bilər;
* Yalnız müsabiqə müddətində (8 may – 30 may) Dənizkənarı Milli Park ərazisində çəkilmiş fotolar qəbul olunur. Daha əvvəl çəkilən fotolar müsabiqəyə daxil edilmir;
* Fotolarda ciddi manipulyasiya (süni intellekt, montaj, süni obyekt əlavə edilməsi və s.) qadağandır. Yalnız ümumi keyfiyyətin yaxşılaşdırılması məqsədilə (işıq, kontrast, rəng balansı və s.) minimal düzəlişlərə icazə verilir;
* Fotolar üzərində müəllif imzası, loqo və ya hər hansı identifikasiyaedici işarə olmamalıdır;
* ⁠Foto çəkilişləri zamanı tutuquşulara narahatlıq yaratmaq qadağandır.

Müsabiqənin mərhələləri:

I mərhələ: 8 may – 30 may
İştirakçılar çəkdikləri fotonu İdarənin Instagram səhifəsinin bio hissəsində yerləşdirilmiş link vasitəsilə və ya  events@bulvar.gov.az elektron poçt ünvanına  təqdim edə bilərlər. Son müraciət tarixi 30 maydır.

II mərhələ:
Tələblərə uyğun fotolar seçilir və peşəkar münsiflər heyəti tərəfindən qiymətləndirilərək qaliblər müəyyən edilir.

Mükafatlar

* I yer – 500 AZN
* II yer – 300 AZN
* III yer – 200 AZN

Müsabiqənin qalibləri 10 iyun 2026-cı il tarixində Dənizkənarı Bulvar İdarəsinin rəsmi saytı (bulvar.gov.az) və sosial media hesablarında elan olunacaq.

Əlavə məlumat üçün:
☎️Telefon: +994 (12) 404 95 96 | 8773