1/

Bulvar ərazisində velosiped yollarının salınmasına başlanılıb

14-03-2024

Bulvar ərazisində velosiped yollarının salınmasına başlanılıb

Azərbaycan Yerüstü Nəqliyyat Agentliyi (AYNA) Bakıda mikromobillik vasitələri üçün infrastrukturun yaradılması istiqamətində hazırlanmış layihənin icrasını davam etdirir. Layihənin ilkin mərhələsi Bakı şəhərinin əsasən mərkəzi hissələrini – İstiqlaliyyət küçəsi, Azərbaycan prospekti, Mirzəağa Əliyev küçəsi, Bülbül prospekti, Fikrət Əmirov küçəsi və Bulvar ərazisini əhatə edir.
Artıq Dənizkənarı Milli Park ərazisində də müvafiq işlərə başlanılıb. İlkin mərhələdə Bulvar ərazisindəki yolun uzunluğu təxminən 2200 metr təşkil edəcək (Dəniz Vağzalının qarşısından Azneft dairəsinədək). Bununla da Bulvar ərazisi digər küçə və prospektlərdə salınan velosiped yolları ilə əlaqələndiriləcək və bir dövrə tamamlanacaq. 
Növbəti mərhələlərdə bu şəbəkənin genişləndirilərək bütün Bulvar ərazisini əhatə etməsi planlaşdırılır. Görüləcək işlər çərçivəsində müvafiq nişanlanma işləri aparılacaq, təhlükəsizlik məqsədilə yol nişanları quraşdırılacaq, əlçatanlığın təmin edilməsi üçün panduslar inşa olunacaq.

DİGƏR XƏBƏRLƏR

10-05-2024

Ümummilli lider Heydər Əliyevin xatirəsi yad edilib

Daha çox
27-09-2023

Dənizkənarı Bulvar İdarəsinin kollektivi Bakıda inşası davam etdirilən Zəfər parkında olublar

Daha çox
20-01-2020

Dənizkənarı Bulvar İdarəsində 20 Yanvar şəhidlərinin xatirəsi anılıb

Daha çox