Havaların isinməsi ilə bağlı infeksion xəstəlik daşıyıcısı olan gəmiricilər əleyhinə, eyni zamanda yaz mövsümündə Xəzərin daşlıq ərazilərində su ilanlarının çoxalmasını nəzərə alaraq, Dənizkənarı Milli Parkda dezinfeksiya, dezinseksiya və deratizasiya işləri aparılır. Profilaktik tədbirlər “Bayıl Bulvarı”ndan başlayaraq “Ağ Şəhər Bulvarı”na qədər sahil boyu əraziləri əhatə edir və sürünənlərin əraziyə gəlməsinin qarşını almaq məqsədi daşıyır.