Ailə, Qadın və Uşaq Problemləri üzrə Dövlət Komitəsinin təşəbbüsü  və Dənizkənarı Bulvar İdarəsinin dəstəyi ilə Dənizkənarı Bulvar İdarəsinin əməkdaşlarına ailə dəyərlərinin qorunması mövzusunda maarifləndirici tədbir keçirilib. Dənizkənarı Bulvar İdarəsinin Hüquq, insan resursları və sənədlərlə iş şöbəsinin müdiri Tahirə Qarabəyli belə tədbirlərin keçirilməsinin zərurətindən danışıb. Tədbirdə Ailə, Qadın və Uşaq Problemləri üzrə Dövlət Komitəsinin Ailə Məsələləri şöbəsinin müdiri Gülnarə Məmmədova “Ailə. Ailə dəyərləri və ənənələr”, komitənin Hüquqi Təminat şöbəsinin baş məsləhətçisi Tural Hüseynzadə isə “Məişət zorakılığı” mövzusunda məruzələrlə çıxış edib.