1/

Bakı bulvarında Caz və Şərab festivalı keçiriləcək

08-04-2026

Bakı bulvarında Caz və Şərab festivalı keçiriləcək

Dənizkənarı Milli Park şəhər həyatının mədəni ritmini zənginləşdirəcək növbəti möhtəşəm tədbirə ev sahibliyinə hazırlaşır. 24 aprel – 3 may tarixlərində burada ilk dəfə Caz və Şərab festivalı keçiriləcək. 

Festivalın əsas məqsədi yüksək keyfiyyətli caz musiqisini, zərif qastronomik təcrübələri  və seçilmiş şərab istehsalçılarını bir məkanda birləşdirərək ziyarətçilərə fərqli və unudulmaz mühit təqdim etməkdir. 10 gün müddətində ziyarətçiləri tanınmış caz ifaçılarının canlı konsertləri, improvizasiyalar, gənc musiqi kollektivlərinin çıxışları və zövqlü musiqi proqramları gözləyir. Bununla yanaşı, yerli məhsullar və istehsalçıların tanıdılması və dəstəklənməsi məqsədilə müxtəlif qastronomik layihələr və yerli şərab istehsalçıları öz məhsullarını təqdim edəcək, dequstasiyalar və master klasslar qonaqların ixtiyarına veriləcək.

Dövlət Kukla Teatrı yaxınlığında, ənənəvi yarmarka ərazisində geniş ziyarətçi auditoriyası üçün nəzərdə tutulan festival hər gün saat 13:00-dan 23:00-dək fəaliyyət göstərəcək. Festival ərazisinə giriş sərbəstdir. Festival iştirakçıları hər gün saat 19:00-21:00-dək yerli caz ifaçılarının canlı konsert proqramlarını dinləmək imkanı əldə edəcək. Konsert üçün ayrılmış xüsusi zonalar üçün biletlərin satışı şəhərin kassalarında və onlayn platformalarda təşkil olunub.

DİGƏR XƏBƏRLƏR

25-08-2024

Dənizkənarı Milli Parkda klassik avtomobillərin sərgisi keçirilib

Daha çox
22-07-2022

Dənizkənarı Milli Parkda ata himayəsindən məhrum uşaqların gəzintisi təşkil edilib.

Daha çox
19-06-2023

Ailə, Qadın və Uşaq Problemləri üzrə Dövlət Komitəsi və Dənizkənarı Bulvar İdarəsinin birgə təşkilatçılığı ilə ailə dəyərlərinin qorunması mövzusunda tədbir keçirilib

Daha çox