Artıq səkkizinci dəfə təşkil olunan yarış üçün 28 minədək iştirakçı qeydiyyatdan keçib.

    Marafonda Azərbaycan vətəndaşları ilə yanaşı, 20-dən çox ölkədən iştirakçılar da yer alıblar. Yarış Dövlət Bayrağı Meydanından start götürərək, Dənizkənarı Milli Park və paytaxtın əsas prospektləri boyunca uzanan 21 km-lik marşrutu əhatə edib.

    Marafondan öncə fiziki imkanları məhdud şəxslər və Daun sindromlu uşaqlar üçün yürüş təşkil olunub.

   “Küləyə qalib gəl” şüarı ilə keçirilən marafonda kişilər arasında qalib türkiyəli Atac Sezgin olub. Ukraynalı Vitali Şafar ikinci, türkiyəli Murat Emekdar isə üçüncü yeri tutub. Qadınların yarışında isə ukraynalı Natalya Semenoviç birinci, azərbaycanlı Anna Yusupova ikinci, yaponiyalı Eriko Soma isə üçüncü yerə layiq görülüb.