Dənizkənarı Milli Parkda Sabantuy bayramı keçirilib
18-06-2023
Dənizkənarı Milli Parkda Sabantuy bayramı keçirilib
Bakı Dənizkənarı Bulvarında Sabantuy tatar milli bayramı qeyd edilib.
Tatarların milli bayramı sayılan, yayın başlamasından xəbər verən "Sabantuy" bayramı bu il Azərbaycan xalqının ümummilli lideri Heydər Əliyevin anadan olmasının 100 illiyinə həsr olunub. Tədbirdə Tatarıstanın rəhbəri Rüstəm Minnixanov, Azərbaycanın iqtisadiyyat naziri Mikayıl Cabbarov, ölkəmizin Rusiyadakı səfiri Polad Bülbüloğlu da iştirak ediblər.
"Milli müdriklik evi"ndə tatar ictimai xadimlərinə və Azərbaycan xalqının ümummilli lideri Heydər Əliyevə həsr olunmuş "Mənəviyyat, mədəniyyət, maarifçilik" adlı sərgi keçirilib.
Bayramda qonaqlar üçün təşkil edilən tematik meydançalarda, "Baursak evi"ndə tatar şirniyyatlarını, çay, keramika məhsullarını əldə etmək, həmçinin "baursak" adlanan un məmulatını dadmaq mümkün olub.
"Sabantuy" bayramının iştirakçıları tatar güləşi ilə yanaşı bir sıra idman-əyləncə oyunlarında iştirak ediblər.
Qonaqlara Azərbaycan və Tatarıstandan olan yaradıcı kollektivlərin, incəsənət ustalarının iştirakı ilə konsert proqramı təqdim olunub.
DİGƏR XƏBƏRLƏR
08-02-2024
Fevralın 7-də Dənizkənarı Milli Parkda bayram ab-havası
+994 (12) 404 95 96 
Siyahıya qayıt