Avropa zeytunu (lat. Olea europaea) - zeytunkimilər fəsiləsinin zeytun ağacı cinsinə aid həmişəyaşıl subtropik ağac bitkisi növü. Hündürlüyü 12 m-ə çatan, geniş çətirli, həmişəyaşıl ağac bitkisidir. Zeytun bitkisinin ömrü 300-400 ildir. Hazırda Avropa zeytunu dünyanın əksər tropik və subtropik iqlimə malik ölkələrində, o cümlədən Azərbaycanda becərilir. Köhnə bulvar, Yeni bulvar, Ağ Şəhər bulvarı və Bayıl bulvarı ərazilərində əkilmişdir.