+994 (12) 404 95 96 
Dənizkənarı Milli Parkda “Gecənin əfsanələri” adlı yarış, kartinq çempionatının finalı və drift şou keçirildi
Dənizkənarı Milli Parkda “Gecənin əfsanələri” adlı yarış, kartinq çempionatının finalı və drift şou keçirildi
İyulun 19-da Azərbaycan Avtomobil Federasiyasının təşkilatçılığı, Bakı Şəhər Halqası Əməliyyat Şirkəti, “Caspian Event Organisers” və Dənizkənarı Bulvar İdarəsi ilə birgə əməkdaşlıq çərçivəsində “Gecənin əfsanələri” (Legends of The Night) adlı yarış, kartinq çempionatının finalı və drift şou keçirilib.Dövlət Bayrağı Meydanında xüsusi hazırlanmış trasda 12 peşəkar pilot klassik dizaynla müasir texnologiyanı birləşdirən kompakt avtomobillərlə mübarizə aparıb. 25 dövrəlik gərgin mübarizənin yekununda birinci yerin sahibi Adil Axundov, ikinci yerin sahibi Fərid Quliyev, üçüncü yerin sahibi isə Elvin Xudaverdiyev olub.
Tədbir çərçivəsində 12-15 yaşlı pilotlar arasında kartinq üzrə çempionatın final mərhələsi də keçirilib. 15 dövrəlik final yarışında qalib Teymur Rəhimov, ikinci və üçüncü yerləri isə müvafiq olaraq Rafiq Kazımlı və Ömər Şahmuradlı qazanıb.Axşam proqramı çərçivəsində drift-şou, avtomobil və motosikletlərlə ekstremal tryuklardan ibarət “Stunt Show”, eləcə də motosiklet şousu baş tutub. Şounun əsas ulduzları dünya üzrə 20-dən çox rekordun sahibi olan britaniyalı avtokaskadyor Terri Qrant, Böyük Britaniyanın çoxqat fristayl çempionu, motokaskadyor Li Bauers və İrlandiyadan olan peşəkar drift pilotu Neyl Qan olub.
Siyahıya qayıt