Dənizkənarı Bulvar İdarəsi Azərbaycan Talassemiya Federasiyasının "Donor günü" aksiyasına qoşulub. İdarədə könüllü qanvermə aksiyası təşkil edilib. Aksiyada Dənizkənarı Bulvar İdarəsinin 70 əməkdaşı qan verib. Azərbaycan Talassemiya Federasiyasının xüsusi tibb işçiləri donorların sağlamlıq vəziyyətini yoxladıqdan sonra onlardan qan götürüblər. Aksiyanı keçirməkdə məqsəd talassemiyadan əziyyət çəkən insanların qanla təminatına yardım etməkdir. Götürülən qan nümunələri laboratoriyada müayinə edildikdən sonra aidiyyəti üzrə istifadə olunacaq.